Mendillorriko Civivoxak “Kiriko Oilarra eta Hiru Txerrikumeak” ikuskizuna hartuko du Kollins Clown konpainiaren eskutik, Haurrendako Euskarazko Programazioaren barruan. Sarreren salmenta (3 € ): civivox berean eta www.pamplona.es eta www.pamplonaescultura.es webgunetan. Urtarrilak 19, larunbata, 12:00 eta 18:00etan. “Kiriko Oilarra” eta “Hiru Txerrikumeak” ipuin ezagunek neskatiko-mutikoei zuzendutako bi herri-kontaera dramatizatzen dituen antzerki ikuskizuna osatzen dute. Kollins Clown taldeak antzerki-hizkera bat prestatu du bi istorio hauek kontatzeko. Lan honetan giro musikal eta estetiko berezia dago.

Iruñeko Planetarioak “Izar Laiño” kontzertua hartuko du Maddi Oihenart & Jérémie Garat & Paskal Humberten eskutik. Sarrera librea aurrez gonbidapena hartuta. Emanaldi honetako poema gehienak ohizkoak dira kantariaren errepertorioan eta Itxaro Bordak sortu ditu. Gaurko musikaren dizdiraz daude apaindurik. Xiberoko kantarisaren botzak ezohiko uneak sorarazten dauzkigu, bizitzaren bihotzetiko dena sendiarazten du, sinesmen gordeetatik mundu sensiblea elkarrekin idekitzen digute.

Kondestableko ekitaldi-aretoan Akira Kurosawa zuzendari japonesari eskainitako zinema-ziklo bat egingo da. Akira Kurosawaren zine-ondare osoari atzera begira. Guztira zazpi film egongo dira ikusgai, urtarrilaren 12tik otsailaren 23ra ostiraletan, 19:30etan. Zinema-ziklo hori Iruñeko Udalaren eta Bilbao Arte Fundazioaren arteko lankidetza-hitzarmenaren esparruan egingo da, zeinaren bidez hainbat ziklo eta film proiektatuko baitira Kondestableko ekitaldi-aretoan, hartara programazio egonkorra duen zinema-areto bihurtuta. Hitzordua Shubûn (“Eskandalua”) (1950) peliku­larekin hasi eta Dodeskaden (1970) filmarekin bu­katuko da. Hogei urte, kasu honetan zazpi peliku­len bitartez kontatuta, oso ezaguna den Shichinin no samurai (“Zazpi samuraiak”) edo Kumonosu-jô (“Odol-tronua”), Yôjimbô (“Mertzenarioa”), Tengoku to jigoku (“Gorrotoaren infernua”) eta Ikiru (“Bizi­tzea”) bezalako beste pelikula batzuk esaterako.