Pamplonaescultura / Iruñakulturada

Ikuskizuna

Urtarrila
25

KAMERAK ETA GANBARAK. Xabier Erkiziarekin topaketa eta Asier Gogortzaren AUTOPSIAK erakusketari bisita, Kondestable Civivoxean. Urtarrilaren 25ean, asteartenean. 19:00etan. Garaikide zikloa. Sarrera librea eserlekuak bete arte. Gure kultur sineskera eta usteen gainetik, paisaia, besapean garraiatzen dugun zeozer da. Gure begiradatik eta hauen aurrebaldintzetatik banaezina, eta nahitaez haien ondorio. Paisaiaren kontzeptuaren baitan biltzen ditugu lurraldearekiko gure desira eta grinak, gure ulertezintasun eta frustrazioak, soinean daramazkigun argazki kameren obturatzaileekin ezartzen ditugun kontratu inkontzientearekin gertatu ohi den bezala. Paisaia ispilu erraldoi bat da.

Urtarrila
27

ANTIGONE EDO EZETZAREN BEHARRA. Antzezlana Nafarroako Antzerki Eskolan. Horman Poster. Urtarrilaren 27ean, ostegunean. 19:00etan. Garaikide zikloa. Sarrerak 8 euroko prezioan salgai jarriko dira (bi emanaldietarako abonamendua 12 euroan) www.laescueladeteatro.com webgunean eta Nafarroako Antzerki Eskolako leihatilan. “Antigone obra klasiko ezin garaikideagoa da eta ezinbestekoa zen haren oihartzunak euskaraz entzunaraztea. Bertsio libre honek mendeetako gatazka ebatzigabeak oholtzaratzen ditu, begirada umoretsu bezain tragikoz. Antzezlan hau, jendarteko arauak, familia kodeak, botere harremanak, egitura desegituratuak eta hauek guztiak kolokan jartzen dituzten pasioen salda odoltsua da. Pertsonaia poliedriko eta indartsuz hezur mamitutako festa distiratsu bat.” Alaia Martin.

Urtarrila
14
Otsaila
2

GARAIKIDE zikloaren edizio berria -Euskarazko adierazpen artistiko garaikidearen erakusketa- urtarrilaren 14tik otsailaren 2ra izango da Kondestable civivoxean eta Nafarroako Antzerki Eskolan. Civivoxean egingo diren jarduerak doakoak dira. Sarrera librea eserlekuak bete arte. Nafarroako Antzerki Eskolan izango diren emanaldietarako sarrerak 8 euroko prezioan salgai jarriko dira (bi emanaldietarako abonamendua 12 euroan) www.laescueladeteatro.com webgunean eta Nafarroako Antzerki Eskolako leihatilan, ikuskizuna hasi baino ordu eta erdi lehenagotik. Antolatzailea: Iruñeko Udala. Hauen lankidetzarekin: Nafarroako Antzerki Eskola eta Nafarroako Gobernua.

Itzuli edukiaren hasierara