Otsaila
3
Apirila
21
GALLINERO DE COMEDIAS
- NAVARRO VILLOSLADA INSTITUTUA
- 19:30
Buscador
Buscador
Antzerkia
TRAPU ZIKINAK, ANTZERKI AROA
‘Trapu Zikinak’ da Nafarroako Antzerki Eskolan azaroaren 2an, 19: 00etatik aurrera, Lore More konpainiak euskaraz taularatuko duen antzezlanaren izenburua, Iruñeko Udalak udazkenerako prestatu duen Antzerki Aroa zikloaren barruan. Sarreren prezioa 8 eurokoa da, eta Nafarroako Antzerki Eskolaren webgunean (www.laescueladeteatro.com) edo antzokiko leihatilan erosi ahal izanen dira ikuskizuna hasi baino ordu eta erdi lehenagotik.
LABURPENA
“Trapu zikinak etxean garbitzen dira” esaten bada ere, herri garbilekuek, egun mutu dauden herritzarrek, beste errealitate posible bat agerian uzten dute: trapuok kalean garbitzen zirela, alegia, bizilagun, senide eta lagunekin batera; intimitatearen ideia begi berriz aztertu dezakegu iraganeko ur horietan murgiltzen baditugu eskuak
Nola garbitzen dira lotsak utzitako orbanak?
Eta indarkeriarenak?
Zeri esaten diogu “zikin”?
Zertaz hitz egin daiteke? Zer hitzekin?
Gerraosteak utzitako pobrezia, adiskidetasuna, patroiaren bidegabekeria, maitasuna, lana eta etorkizunerako desirak gorpuztuko dira garbitzen diharduten emakume saldoan. Hotza eta zikinkeria izango dituzte bidelagun; azken hauek ere badute zer esan bizi garen munduaz…
Ikuskizun hau garbilekuetan jo ta fuego aritu ziren arbasoei omenaldia da. Haien izerdi eta irriei, haien arteko laguntza eta isiltasunei. Izan zirelako, gara.
Testua eta zuzendaritza: Lore More
Antzezleak: Laura Villanueva, Maialen Díaz Urriza eta Mikele Urroz Zabalza
Ekoizpena: Lucia Ezker
Musika: Harkaitz Martínez de San Vicente
Jantziak: Iona Lakunza
Eszenografia: Orekari
Argi diseinua: Andrés Dwayer
Hau ere zure interesekoa izan daiteke
Apirila
2
BARATZA BANG BANG!
- NAFARROAKO ANTZERKI ESKOLA
- 18:00