Martxoa
28
LAS MUJERES PERFECTAS (THE STEPFORD WIVES)
- SANDUZELAIKO CIVIVOXA
- 18:00 - 20:30
Buscador
Buscador
Zinema
FANTASIAZKO ETA BELDURREZKO ZINEMAREN XI. JAIALDIA
GAZTEDIAREN ETXEA. AZAROAK 9 – 12, 19:00etan. BELDURREZKO ETA FANTASIAZKO ZINEMAREN XI. JAIALDIA. SARRERA DOAN.
Saio guztiak 19:00etan izanen dira, eta, genero horretako film labur nazionalak eta nazioartekoak erakutsiko dituzte. Publikoak bere saria erabakitzeko bozka emateko aukera izanen du, eta azken egunean, aurtengo film berezia proiektatuko da, La invitación, Karym Kusamak zuzendua eta Sitgeseko jaialdiko irabazlea.
Jaialdiko lehenbiziko hiru egunetan beldurrezko, zientzia fikziozko, komedia beltzeko edo fantasiazko film laburrak erakutsiko dira, Europako zenbait herrialdetatik zein zinema amerikar eta asiar berrienetik etorritakoak. Lan horiek guztiak lehen aldiz ikusiko dira gure hirian, eta horietako asko baita Espainian ere; beste batzuk genero honetako zinemaldirik entzutetsuenetatik igaro ondoren iritsiko dira Iruñera, Sitgeseko 2022ko zinemalditik esaterako. Halaber, film labur horietan estatuko interpreteen aurpegi ezagunak ikusten ahalkoditugu, Belén Rueda edo Pablo Chiapellarenak kasu, baita nazioartekoenak ere.
Horrekin batera, jaialdiaren laugarren egunean Sitgeseko Zinemaldian Film Onenaren saria jaso duen La invitación filma proiektatuko da, Logan Marshall eta Emayatzy Corinealdi protagonista dituena eta Karyn Kusama zinemagileak zuzendu duena. Era berean, saio honetan iragarriko dira aurtengo film labur onenen sariak: publikoarena, saio bakoitzean ikusleek gustukoen dituzten lanak bozkatzen ahalko baitituzte, eta epaimahaiarena, zazpigarren artearen alderdi desberdinak (zuzendaritza, gidoia, interpretazioa edo banaketa) jorratzen dituen aditu-talde batek osatutakoa.
Jaialdiaren programazio osoa, egun bakoitzean ikusiko diren film laburren izenburuak eta kartelak barne, jaialdiaren webgunean (www.horroronlineart.com) aurki daitezke.
Programazioa eta laburmetraien tituluak:
Azaroak 9
Face not recognized
Rhea
Nosotros, las bestias
Operación Frankenstein
The tenant
Teo
Azaroak 10
La nueva
Camouflage
Hot dog
El viajero
Xun
Under the ice
Azaroak 11
665
Voy para tu casa
La fábula de Quarantamaula
El umbral
Noche de Ensayo
Amours synthétiques
Azaroak 12
“La invitación” filma, Sitgeseko Zinemaldiko Film Onenaren saria, Logan Marshall eta Emayatzy Corinealdi protagonista dituena, eta Karyn Kusamak zuzendua.
Hau ere zure interesekoa izan daiteke
Martxoa
29
UNA CANCIÓN IRLANDESA
- Iturramako Civivoxa.
- 19:00 - 21:00