IRUÑAKULTURADA

Iruña Ilunabarrean programa, beste urte batez, O-ko Andre Maria plazan eginen da, abuztuaren 5, 12 eta 19an (ostiralak), 20:00etan, teknologia, artea eta energia berriztagarriak uztartzen dituzten ikuskizunekin. Zientzia arte-adierazpen nagusi gisa, gozatzeko tokirik onenean: hiriko udako ilunabarretan. Programazio hau conCienciArte-rekin elkarlanean garatu da.

Itzuli da Harresietako Jaialdia beste urte batez, abuztuaren 2tik 20ra, Ziudadelan eginen den Bost punta izeneko zirku, dantza eta musika emanaldiekin, abuztuaren 2tik 18ra (astearte, asteazken eta ostegunetan), Iruña Ilunabarrean programarekin, O-ko Andre Mariaren Plazara bueltan 5, 12 eta 19an (ostiralak), eta Dantza zoroan hiri-dantza jaialdiarekin, Barbazán ingurabidean 6, 13 eta 20an (larunbatak). Sarrera librea izanen da, iritsitako hurrenkeraren arabera, lekuak bete arte.

IRUÑA ILUNABARREAN
O-ko ANDRE MARIA PLAZA
Abuztuak 5, 12 eta 19 (ostiralak). 20:00.

Abuztuak 5, ostirala. 20:00.
SÓ. XAMPATITO PATO. (Zirkua)
Pertsonaia obsesibo, zurrun eta zorrotz bat, makina bat kutxez inguraturik, ezin ditu kontrolatu, eta haiekin jolasean ari da bere munduari forma emateko. Kaosetik unibertso zoroa sortzen da, non barrea asmatzen duen.

Abuztuak 12, ostirala. 20:00.
MAÑA. MANOLO ALCÁNTARA KONPAINIA (Zirkua, ingeniaritza)
Mugimenduaren eta ahaleginaren ekonomia da ikuskizun honen leitmotiva. Ahalik eta ahaleginik txikiena egitea kutxa pisutsuak mugitzeko, teknologia eskas, zahar eta denboraz kanpokoak erabilita, esaterako, palanka, txirrika, gurpila, etab.

Abuztuak 19, ostirala. 20:00.
DENTRO, FUERA O EN NINGÚN LUGAR. DANZAI
“Gutxien espero duzunean ezereza sortzen da, hutsune egoera bat, ez dakizu zoazen ala zatozen. Batzuetan masak arrastaka eramaten zaitu. Orduan ateratzen zara, oihu egiten duzu eta dena berriz hasten da.” Automugimendu-performancea. Esperientzia zinestetikoa.